>567]
DE LA VILLE DE PARIS.
627
Beaugendre, pour garder les portes pour faire paier les deniers du Roy, pour nous accompaigner à aller avecq nous au convoy et pompe funèbre de feu monseigneur le Connestable'1', et pour aulcuns de vous porter les torches et faire ce qui vous sera
commandé par le m" des ceremonyes que nous avons commis; sy n'y faictes faulte. Faict au Bureau de lad. Ville, le xxime jour de Novembre mil cinq cens soixante sept, n
Signé : Bachelier.
DCCCXLI. — Monstre et revëue generalle.
i" décembre 1567. (H -78'1' -°1- 44° v"-)
De par le Roy.
"Tres chers et bien amcz, comme après que nous avons faict partir nostre camp et armée de nostre bonne ville et cité de Paris, nous vous avons tres expressement enjoinct de faire monstre et re­vëue generalle de tous les habitans d'icelle, affin que par la description qui s'en fera, nous congnois-sons au vray quel nombre de personnes armez nous y avons pour la seuretté de nous et de nostred. Ville, el quel prompt secours nous en pourrions tirer à ung besoing, à ces causes nous vous man­dons et tres expressement enjoignons que, sans es­pargner chose quelconque pour l'execution de nostre volunté et pour faire lad. monstre generalle que nous voullons estre faicte en toute dilligence, au plus tard le septiesme jour de cc present mois, vous aiez à envoier tous mandemens et ordonnances neccessaires par les quartiers et Dizaines de lad. Ville, et à vous tenir prestz en telle ordre, suitte et equippaige de toutes armes, montures et aultres accoustremens que voz predecesseurs en voz charges se sont trouvez es dernieres monstres generalles,
et encores plus magnificquement, si faire se peult, pour la grandeur de nostred. Ville et de nous qui y voullons assister. Voullans que pour les fraiz et ac­complissement des choses susd, et que pour armer, monter et equipper vous Prevost des Marchans, les quatre Eschevins, Procureur et Receveur de lad. Ville, avecq ceulx qui seront par vous ordonnez pour vostre garde et suitte, toutes les parties et sommes de deniers qui par voz advis seront levées et com­mandées soient paiez par le Recepveur de lad. Ville sans difficulté, et par rapportant ces presentes signées de nostre main, ou vidimus d'icelles faict soubz le seel royal, ensemble voz acquictz, roolles et ordonnance avecq quictance des parties où elles escherront, nous voullons lesd, parties estre passées ct allouées en la despence des comptes dud. Recep­veur et rabatues de sa recepte partout où il appar­tiendra; sy ne faictes faulte, car tel est nostre plaisir. Donné à Paris, le premier jour de Decembre mil cinq cens soixante sept."
Signé : CHARLES. Et au dessoubz : de L'Aubespine.
DCCCXLII. — Pour la garde et fortification
DES CHASTEAULX ET PLACES FORTES DU RESSORT DE LA PREVOSTE ET VlCONTE DE PARIS.
1" décembre 1567. (-- -784, fol. 44i v°.)
De par le Roy et les Prevost des Marchans et Eschevins de Paris.
"Sur la requeste faicte par le Procureur du Roy
et de lad. Ville de ce que Sa Majesté luy avoyt com­mandé de faire signiffier à tous les seigneurs et pro­prietaires des Chasteaux et .places fortes qui sont dedans le ressort de la Prevosté et Viconte de Paris,
(" Le journal de Bruslard (Mémoires de Condé, t. 1, p. 185) nous donne le récit suivant des obsèques solennelles qui furent faites au connétable de Montmorency, décédé le 12 novembre : "Le 2.5 dud. mois, feu Monsieur le Connetable fust avec Ia plus grande pompe qui fust jamais veue aporté en l'Eglise de Paris avec une effigie; Monsieur le duc d'Alençon, frere du Roy, menant Monsieur le mareschal de Montmorency en deuil; Monseigneur le Cardinal de Bourbon menant Monsieur Dampville, second fils; Monsieur le prince Dauphin menant Monsieur de Meru, troisième fils; Monsieur le duc de Longueville menant Monsieur de Thoré, qua­trième fils. Il y avoit plusieurs chevaliers de l'Ordre, et fust faicte grande pompe de la part de la ville de Paris. Le 26 dud. mois sui­vant, fust faict son service en lad. Eglise de Paris, avec mesme assistance et solemnité, et y fust faict ung sermon funèbre par un nommé Monsieur de S" Foy ; et après le disner fut mené avec mesme pompe jusques à la porte S' Denis pour de là le porter à Monl-morancy.n (Voir également le récit deces obsèques dans le mss. fonds français n* 18,528, fol. 70.)
79'